பேட்ட கெட்டப் எனக்கு நல்லா இருக்கா? - மாறிய தனுஷ் !

தனுஷ் தற்போது கார்த்திக் சுப்புராஜ் இயக்கத்தில் நடித்து வருகிறார். படத்தின் பெரும்பாலான காட்சிகள் லண்டனில் படமாக்கப் பட்டுள்ளது. 

தற்போதைக்கு டி 40 என்று அழைக்கப்படும் அந்த படத்தின் ஷூட்டிங் ஒரு வாரம் மட்டுமே பாக்கி உள்ளது.

படப்படிப்பு ஜனவரி மாதம் இரண்டாவது அல்லது மூன்றாவது வாரத்தில் முடிந்து விடுமாம்.

இந்நிலையில் படப்பிடிப்பு தளத்தில் தனுஷ் பெரிய மீசையுடன் இருக்கும் புகைப்படங்கள் வெளியாகி யுள்ளது.

அந்த புகைப்படங்களை பார்க்கும்போது பேட்ட படத்தில் ரஜினி வைத்திருந்த மீசை தான் நினைவுக்கு வருகிறது. டி 40 படத்திற்கு சுருளி என்று பெயர் வைக்கக்கூடும் என்று கூறப்படுகிறது. 

கேங்ஸ்டர் த்ரில்லர் படமாக உருவாகி வரும் டி 40ல் தனுஷ் ஜோடியாக மலையாள நடிகை ஐஸ்வர்யா லக்ஷ்மி நடிக்கிறார்.

ரஜினியை இயக்கிய கையோடு அவரின் மருமகன் தனுஷை வைத்து படம் இயக்கி வருகிறார் கார்த்திக் சுப்புராஜ்.

தனுஷின் நடிப்புத் திறனை பார்த்து கார்த்திக் சுப்புராஜும் வியந்து தான் போயுள்ளார்.

பேட்ட படத்தை போன்றே டி 40 படம் மீதும் அதிக எதிர்பார்ப்பு உள்ளது.

இந்த படத்தில் ஹாலிவுட் நடிகர் ஜேம்ஸ் காஸ்மோ முக்கிய கதா பாத்திரத்தில் நடிக்கிறார். படத்திற்கு சந்தோஷ் நாராயணன் இசையமைக்கிறார்.

இதற்கிடையே துரை செந்தில் குமார் இயக்கத்தில் தனுஷ் இரட்டை வேடத்தில் நடித்துள்ள பட்டாஸ் படம் வரும் ஜனவரி மாதம் 16ம் தேதி ரிலீஸாக உள்ளது என்பது குறிப்பிடத் தக்கது.